منی بجٹ سے پہلے ہی مہنگائی میں اضافہ ہو رہا ہے: شیری رحمان
پاکستان
لاہور: (دنیا نیوز) پاکستان پیپلزپارٹی نے مسلسل بڑھتی ہوئی مہنگائی پر تشویش کا اظہار کیا۔ شیری رحمان نے کہا کہ منی بجٹ سے پہلے ہی مہنگائی میں اضافہ ہو رہا ہے۔
نائب صدر پیپلز پارٹی و سینیٹر شیری رحمان نے سماجی رابطے ک ویب سائٹ پر ٹویٹ کرتے ہوئے کہا کہ اکتوبر میں مہنگائی 9.2 فیصد تھی جو نومبر میں 11.5 فیصد رہی، بحران سرکار کی وجہ سے مہنگائی 21 ماہ کی بلند ترین سطح پر ہے، آئی ایم ایف کے بنائے منی بجٹ سے مہنگائی میں مزید اضافہ ہوگا، یہ ملک کو بھوک اور بدحالی کی طرف دھکیل رہے ہیں۔
شیری رحمان کا کہنا تھا کہ ایک سال کے اندر آٹا 10.26 فیصد، گھی 58.28 اور کنگ آئل 53.59 فیصد مہنگا ہوا ہے، ایک سال میں بجلی کی قیمت میں 47.87 فیصد اور پیٹرولیم مصنوعات 40.81 فیصد اضافہ ہوا ہے۔
