چھٹی نیشنل ماس ریسلنگ چیمپئن شپ کا آغاز کل سے ہوگا
اسلام آباد : ( ویب ڈیسک ) پاکستان ماس ریسلنگ فیڈریشن کے زیر اہتمام چھٹی نیشنل ماس ریسلنگ چیمپئن شپ کا آغاز 3 جون ( کل ) سے گوجرانوالہ میں ہوگا جو کہ 4 جون تک جاری رہے گی۔
پاکستان ماس ریسلنگ فیڈریشن کے نواب فرقان خان نے بتایا کہ چیمپئن شپ کی تیاریاں زور و شور سے جاری ہیں جبکہ ایونٹ میں ملک بھر سے پاکستان آرمی، پاکستان واپڈا اور پاکستان پولیس سمیت 22 ٹیمیں حصہ لیں گی۔
ایونٹ میں شرکت کرنے والی ٹیموں کی منیجرز میٹنگ آج ہوگی جس میں ٹورنامنٹ کے ڈراز کا اعلان اور قوانین کے بارے میں آگاہ کیا جائے گا۔
چیمپئن شپ میں پہلی پوزیشن حاصل کرنے والے کھلاڑی کو دس ہزار روپے ، دوئم کو ساڑھے سات ہزار روپے اور تیسرے نمبر پر آنے والے کھلاڑیوں کو پانچ ہزار روپے کی انعامی رقم دی جائے گی۔
