دہشتگرد پاکستان کی معاشی ترقی روکنا چاہتے ہیں: مریم نواز کی بس پر حملے کی مذمت

لاہور: (دنیا نیوز) پاکستان مسلم لیگ ن کی چیف آرگنائزر اور سینئر نائب صدر مریم نواز نے چلاس میں بس پر فائرنگ کے واقعہ کی شدید مذمت کی۔

چیف آرگنائزر مسلم لیگ ن مریم نواز نے شہداء کو خراج عقیدت پیش اور متاثرہ خاندانوں سے اظہار ہمدردی و افسوس کا اظہار کیا، انہوں نے پاک فوج کے دو شہید جوانوں کو بھی خراج عقیدت پیش کیا اور شہداء کے اہل خانہ سے ہمدردی کا اظہار کیا۔

مریم نواز کا کہنا تھا کہ دہشت گرد پاکستان کو معاشی ترقی کرنے سے روکنا چاہتے ہیں، خوف، وحشت اور دہشت سے پاکستان کو ترقی کرنے سے روکا نہیں جا سکتا، ہر پاکستانی دہشت گردی ختم کرنے میں سکیورٹی فورسز کا سپاہی ہے۔

مریم نواز شریف نے واقعہ میں شہید ہونیوالوں کے درجات کی بلندی، اہل خانہ کے لئے صبر اور زخمیوں کی جلد صحت یابی کی دعا کی۔

 

Advertisement
روزنامہ دنیا ایپ انسٹال کریں