بلوچستان اسمبلی میں بلامقابلہ عبدالخالق سپیکر، غزالہ گولہ ڈپٹی سپیکر منتخب

کوئتہ : (دنیانیوز) مسلم لیگ ن کے عبدالخالق اچکزئی بلامقابلہ سپیکر بلوچستان اسمبلی منتخب ہوگئے ۔

سیکرٹری بلوچستان اسمبلی طاہر شاہ کاکڑ نے مسلم لیگ (ن) کے رہنما عبدالخالق اچکزئی کے بلامقابلہ سپیکر منتخب ہونے کا اعلان کیا۔

سیکرٹری اسمبلی کے مطابق پیپلزپارٹی کی غزالہ گولہ بھی ڈپٹی سپیکر بلوچستان اسمبلی بلامقابلہ  منتخب ہوگئی ہیں۔

بلوچستان اسمبلی کے آج  تین بجے ہونیوالے اجلاس میں عبدالخالق اچکزئی اور غزالہ گولہ  سپیکر اور ڈپٹی سپیکرکا حلف اٹھائیں گے۔

یاد رہے کہ65 کے ایوان میں سے گزشتہ روز بلوچستان اسمبلی کے57 نومنتخب ارکان نے حلف اٹھایا تھا۔

 

 

Advertisement
روزنامہ دنیا ایپ انسٹال کریں