زرداری یا اچکزئی، ملک کا نیا صدر کون؟ انتخابی میدان 9 مارچ کو سجے گا

اسلام آباد: (دنیا نیوز) ملک کا نیا صدر آصف زرداری یا محمود خان اچکزئی؟ صدر مملکت کیلئے انتخابی میدان 9 مارچ کو سجے گا۔

سپیکر قومی اسمبلی نے پارلیمنٹ کا مشترکہ اجلاس9 مارچ کو طلب کر لیا جس کا سیکرٹری قومی اسمبلی نے نوٹیفکیشن بھی جاری کر دیا ہے۔

صدارتی امیدواروں کے کاغذات نامزدگی کی سکروٹنی آج ہو گی،5 مارچ کو امیدواروں کی حتمی فہرست جاری کی جائے گی۔

صدر کے انتخاب کیلئے سینیٹ، قومی و صوبائی اسمبلیوں میں بیک وقت پولنگ ہو گی، ووٹنگ کا عمل صبح10 بجے سے شام4 بجے تک جاری رہے گا۔

واضح رہے کہ آصف زرداری اور محمود خان اچکزئی کے علاوہ صدر مملکت کی دوڑ میں کئی آزاد امیدوار بھی شامل ہیں۔ 

Advertisement
روزنامہ دنیا ایپ انسٹال کریں