سٹاک مارکیٹ میں دوسرے روز بھی مندی، کاروبار کا منفی رجحان رہا
کراچی: (دنیا نیوز) پاکستان سٹاک مارکیٹ میں آج بھی مندی کا رجحان رہا جس کے باعث سرمایہ کاروں کو اربوں کا نقصان برداشت کرنا پڑا۔
کاروباری ہفتے کے دوسرے پاکستان سٹاک ایکسچینج مارکیٹ میں آج کاروباری کا منفی رجحان رہا، سٹاک مارکیٹ میں 291 پوائنٹس کی کمی دیکھنے میں آئی ہے جس کے ساتھ 100 انڈیکس 77 ہزار 940 پوائنٹس کی سطح پر بند ہوا۔
یاد رہے کہ گزشتہ کاروباری روز کے اختتام پر سٹاک مارکیٹ میں 100 انڈیکس 78 ہزار 232 پوائنٹس کی سطح پر بند ہوا تھا۔
سٹاک مارکیٹ میں آج 7 ارب 65 کروڑ 90 لاکھ 18 ہزار 531 روپے مالیت کے 13 کروڑ 4 لاکھ 31 ہزار 326 شیئرز کا لین دین ہوا۔
