آسٹریلیا کیخلاف دوسرا ون ڈے جیت کر سیریز برابر کرینگے: نسیم شاہ
ایڈیلیڈ: (دنیا نیوز) پاکستان کرکٹ ٹیم کے فاسٹ بولر نسیم شاہ نے کہا ہے کہ آسٹریلیا کیخلاف دوسرا ون ڈے جیت کر سیریز برابر کریں گے۔
ایڈیلیڈ میں میڈیا سے گفتگو کرتے ہوئے نسیم شاہ نے کہا کہ کریمپس ریکور ہونے میں زیادہ وقت نہیں لگتا، جب کریمپس پڑے تو وقت کم تھا اس لیے اوور مکمل نہیں کر سکا، مکمل فٹ ہونے کے باوجود کریمپس کسی بھی وقت ہو سکتے ہیں۔
انہوں نے کہا کہ پہلا ون ڈے قریب جا کر ہارے تھے، امید ہے دوسرا ون ڈے جیت کر سیریز برابر کریں گے، ایڈیلیڈ کی پیچ اچھی ہے، مثبت کرکٹ کھیلنا ہو گی، میچ کے بعد اس پر بات ہوئی کہ کن چیزوں کو بہتر کیا جا سکتا ہے۔
فاسٹ باؤلر نے مزید کہا کہ میچ کے بعد باتیں ہوتی ہیں کہ یارکر نہیں کی، فلاں بال نہیں کی، پچ کی کنڈیشن اور صورتِ حال کے مطابق بولنگ کر رہے تھے، جب بیٹنگ کے لیے جاتا ہوں تو کوشش ہوتی کہ وکٹ آسانی سے نہ دوں، کوشش ہوتی ہے آخری بال تک فائٹ کروں۔
