آسٹریلیا کیخلاف ٹی 20 سیریز: قومی سکواڈ پرتھ سے برسبین روانہ
پرتھ: (دنیا نیوز) قومی سکواڈ آسٹریلیا کیخلاف ٹی 20 سیریز کے پہلے میچ کے لیے پرتھ سے برسبین روانہ ہو گیا۔
آسٹریلیا کیخلاف ٹی 20 سیریز کے لیے سکواڈ میں شامل کھلاڑی بھی پاکستان سے برسبین پہنچ چکے ہیں، برسبین پہنچنے والوں میں عثمان خان، عمیر بن یوسف، صاحبزادہ فرحان، سفیان مقیم، عباس آفریدی اور جہانداد خان شامل ہیں۔
ون ڈے سکواڈ کے 6 کھلاڑی جو ٹی 20 سکواڈ کا حصہ نہیں ہیں آج رات پرتھ سے پاکستان روانہ ہوں گے، پاکستان واپس آنے والے کھلاڑیوں میں عبداللہ شفیق، صائم ایوب، کامران غلام، عامر جمال، فیصل اکرم اور محمد حسنین شامل ہیں۔
یاد رہے کہ پاکستان اور آسٹریلیا کے درمیان پہلا ٹی 20 میچ 14 نومبر کو برسبین میں کھیلا جائے گا۔
