وزیراعظم شہباز شریف کی قوم سے باران رحمت کیلئے نماز استسقاء ادا کرنے کی اپیل
اسلام آباد: (دنیا نیوز) وزیراعظم محمد شہباز شریف کی قوم سے باران رحمت کے لئے نماز استسقاء ادا کرنے کی اپیل کی ہے۔
شہباز شریف نے اپنے پیغام میں کہا کہ قوم سے درخواست ہے کہ نماز استسقاء ادا کرے اور اللہ تعالیٰ سے باران رحمت کے لئے خصوصی دعا مانگی جائے، علمائے کرام اور مشائخ عظام خاص طور پر نماز استسقاء کے اہتمام میں اپنا کردار ادا کریں۔
وزیراعظم نے کہا کہ بارش برسنے سے ماحول میں بہتری آئے گی، بیماریوں سے نجات ملنے میں بڑی مدد مل سکتی ہے۔
شہباز شریف کا کہنا تھا کہ اللہ تعالیٰ کے حضور خصوصی دعائیں کی جائیں تا کہ انسانی زندگی کو اس تکلیف سے نجات مل سکے۔
انہوں نے کہا کہ وفاق اور صوبوں کے زیر اہتمام تمام مساجد میں نماز استسقاء کا اہتمام کیا جائے، موجودہ صورت حال میں باران رحمت کی شدید ضرورت ہے۔
