بہاولپور میں گھر سے میاں بیوی اور 2 بچوں سمیت 5 لاشیں برآمد
بہاولپور: (دنیا نیوز) بہاولپور میں دل دہلا دینے والا واقعہ پیش آیا ہے جہاں ایک ہی گھر سے میاں بیوی اور دو بچوں سمیت 5 لاشیں برآمد ہوئی ہیں۔
پولیس کے مطابق پانچوں افراد کو گولی مارکرقتل کیا گیا ہے، پراسرار طور پر قتل ہونے والوں کی شناخت 40 سالہ محمد کاشف، 36 سالہ عروج،15سالہ جہانزیب، 13 سالہ عبداللہ اور 9 سالہ عبدالوہاب کے ناموں سے ہوئی
ریسکیوحکام کو جائے وقوعہ سے ایک بچی بھی بے ہوشی کی حالت میں ملی ہے، پولیس نے شواہد جمع کرنے کے بعد مزید تفتیش شروع کردی۔
واقعہ کے بعد علاقے میں خوف وہراس پھیل گیا، ایک ہی خاندان کی تمام افراد کی لاشیں دیکھ کر ہر آنکھ اشکبار ہوگئیں۔
پولیس نے کہا ہے کہ قتل کے اصل محرکات کے لئے تحقیقات جاری ہیں، واقعہ سے متعلق کچھ کہنا قبل از وقت ہے۔
