سونے کی اُونچی اُڑان، فی تولہ قیمت میں 4700 روپے کا بڑا اضافہ
کراچی: (دنیا نیوز) عالمی مارکیٹ میں سونے کی قیمتوں میں اضافے کے باعث پاکستان میں بھی سونے کے نرخوں میں بڑا اضافہ ریکارڈ کیا گیا۔
بین الاقوامی مارکیٹ میں فی اونس سونے کی قیمت میں 46 ڈالر اضافے کیساتھ 2988 ڈالر ہوگئی جبکہ پاکستان میں فی تولہ سونے کی قیمت 4700 روپے اور دس گرام سونے کی قیمت میں 4030 روپے کا بڑا اضافہ ریکارڈ کیا گیا۔
قیمتوں میں اضافے کے باعث مقامی صرافہ بازاروں میں فی تولہ سونے کی قیمت 3 لاکھ 14 ہزار اور دس گرام سونے کی قیمت 2 لاکھ 69 ہزار 204 روپے کی بلند ترین سطح پر پہنچ گئی۔
واضح رہے کہ گزشتہ روز بھی سونے کی قیمت میں 2800 روپے کا اضافہ ہوا تھا۔
