بلوچستان اسمبلی میں ماہی گیرکارڈ کے اجراء کے حوالے سے قرار داد پیش
کوئٹہ:(دنیا نیوز) بلوچستان اسمبلی میں ماہی گیروں کے لئے ماہی گیرکارڈ کے اجراء کے حوالے سے قرار داد پیش کردی گئی۔
قرارداد رکن صوبائی اسمبلی مولانا ہدایت الرحمان نے پیش کی ، قرار دار کے متن میں کہا گیا کہ میں ماہی گیروں کا نمائندہ ہوں، بلوچستان کی سمندر حدود سے سندھ کے ماہی گیر 5ارب روپے کی مچھلیاں شکار کرکے لے جاتے ہیں جس پر ڈاکٹر مالک بلوچ کا کہنا تھا کہ مچھلیوں کا غیر قانونی شکار روکا جائے ۔
زمرک خان اچکزئی نے کہا کہ ماہی گیری سے بلوچستان اربوں روپے کما سکتا ہے، اورماڑہ اور پسنی میں بے شمار مچھلی کی اقسام ہیں، سندھ سے آنے والے ماہی گیروں کو روکا جائے، ہمیں ماہی گیری کو تحفظ دینا ہے اپنے سمندر کی حفاظت کرنی ہوگی۔
یونس زہری کا کہنا تھا کہ ساحل کو تحفظ دے کرے صوبے کو ترقی کی راہ پر گامزن کرسکتے ہیں بلوچستان کے ساحل کے ساتھ سوتیلی ماہ جیسا سلوک کیاجارہاہے۔
رحمت صالح بلوچ نے کہا کہ ماہی گیری کو فروغ دے کر صوبے کے لوگوں کو روزگار فراہم کیاجاسکتاہے، ایوان نے ماہی گیروں کے لئے ماہی گیری کارڈ جاری کرنے کی متفقہ طور پر قرارداد منظور کرلی۔
