پاکستان سٹاک مارکیٹ میں کاروبار کے دوران شدید مندی کے بعد مثبت رجحان
کراچی: (دنیا نیوز) پاکستان سٹاک مارکیٹ میں کاروبار کے دوران شدید مندی کے بعد مثبت رجحان دیکھنے میں آیا۔
کاروباری ہفتے کے دوسرے روز بھی کاروبار کے آغاز پر سٹاک ایکسچینج میں مندی دیکھنے میں آئی، 1000 سے زائد پوائنٹس کی کمی کے ساتھ پاکستان سٹاک مارکیٹ میں ہنڈرڈ انڈیکس ایک لاکھ 12 ہزار 935 پوائنٹس کی کم ترین سطح پر پہنچ گیا۔
بعدازاں ٹریڈنگ کے دوران سٹاک مارکیٹ مثبت زون میں آگئی، 900 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس ایک لاکھ 15 ہزار 40 پوائنٹس کی حد کو چھو گیا۔
واضح رہے کہ گزشتہ کاروباری روز کے اختتام پر انڈیکس 1405 پوائنٹس کی کمی کیساتھ ایک لاکھ 14 ہزار 63 پوائنٹس کی سطح پر بند ہوا تھا۔
دوسری جانب انٹربینک میں امریکی کرنسی 17 پیسے سستی ہوئی جس کیساتھ ڈالر 281.07 روپے سے کم ہو کر 280.90 روپے پر آگیا۔
