لاہور: چوہنگ کے قریب مبینہ پولیس مقابلہ، زیر حراست ملزم ہلاک
لاہور: (دنیا نیوز) لاہورسی سی ڈی پولیس کے مطابق چوہنگ کے علاقے میں مبینہ پولیس مقابلے کے دوران زیر حراست ملزم محمد آصف ہلاک ہو گیا۔
پولیس کا کہنا ہے کہ سی سی ڈی ٹیم ملزم کو تفتیش کیلئے لے کر جا رہی تھی جب اس کے ساتھیوں نے اسے چھڑوانے کی کوشش میں اچانک حملہ کر دیا۔
پولیس کے مطابق فائرنگ کے تبادلے کے دوران زیر حراست ملزم آصف اپنے ہی ساتھیوں کی گولیوں کا نشانہ بن کر موقع پر ہلاک ہو گیا، واقعہ کے بعد پولیس نے لاش کو ضروری کارروائی کے لیے مردہ خانہ منتقل کر دیا۔
حکام کا کہنا ہے کہ ہلاک ہونے والا ملزم منشیات فروشی سمیت متعدد وارداتوں میں ملوث تھا جبکہ حملہ کرنے والے ساتھیوں کی گرفتاری کے لیے خصوصی ٹیم تشکیل دے دی گئی ہے۔
