متعدد شہروں میں فضائی آلودگی کے ڈیرے، دھند کا بھی راج، موٹرویز کئی مقامات سے بند
لاہور: (دنیا نیوز) ملک کے کئی شہروں میں فضائی آلودگی کے ڈیرے رہے۔
لاہور دنیا کے آلودہ ترین شہروں میں چوتھے نمبر پر آگیا، صوبائی دارالحکومت میں ایئر کوالٹی انڈیکس237 ریکارڈ کیا گیا، پاکستان میں سب سے زیادہ اے کیو آئی فیصل آباد میں772 ریکارڈ کیا گیا، گوجرانوالہ میں 256 اور بہاولپور میں 279ریکارڈ کیا گیا۔
مختلف شہروں میں شدید دھند کے باعث حد نگاہ متاثر ہوگئی، موٹر ویز متعدد مقامات سے بند کر دی گئی، موٹر وے ایم ون رشکئی سے پشاور اور ایم 3 رجانہ سے درخانہ تک بند کردی گئی، ،موٹروے ایم4 فیصل آباد سے ملتان اورایم5 شیر شاہ سے ظاہر پیر تک بند کر دی گئی۔
ترجمان موٹر وے پولیس سید عمران احمد کا کہنا تھا کہ موٹرویز کی بندش کا مقصد عوام کی جانوں و مال کا تحفظ ہے، دھند میں لین کی خلاف ورزی خطرناک حادثات کا باعث ہو سکتی ہے، شہری سفر کے دوران احتجاجی تدابیر اختیار کریں۔
