اسرائیل کی جنگ بندی کی خلاف ورزیاں جاری، مزید 6 فلسطینی شہید
غزہ: (دنیا نیوز) غزہ میں اسرائیلی فوج کی جنگ بندی کی خلاف ورزیاں جاری ہیں جہاں تازہ حملے میں مزید 5 فلسطینی شہید ہوگئے۔
خبر ایجنسی کے مطابق جمعہ کے روز اسرائیل کی جانب سے غزہ کے مشرقی علاقے تفاح میں ایک سکول کی عمارت کو نشانہ بنایا گیا جس میں فلسطینی پناہ لیے ہوئے تھے۔
اسرائیلی حملے میں 5 فلسطینی شہید جبکہ بچوں سمیت متعدد افراد زخمی ہوگئے۔، یہ حملہ جنگ بندی معاہدے کی تازہ ترین خلاف ورزی قرار دیا جا رہا ہے۔
دوسری جانب اسرائیلی فوجیوں نے مقبوضہ مغربی کنارے کے مختلف علاقوں پر چھاپے مارے جہاں متعدد فلسطینی زخمی اور کئی گرفتار لیے گئے، اسرائیلی جنگ میں غزہ میں اکتوبر 2023 سے اب تک کم از کم 70 ہزار سے زائد فلسطینی شہید ہو چکے ہیں۔
