پاکستان سپر لیگ میں آج 2 میچز کھیلے جائیں گے
لاہور: (دنیا نیوز) پاکستان سپر لیگ (پی ایس ایل) سیزن 11 میں آج دو میچز کھیلے جائیں گے۔
پہلے میچ میں لاہور قلندرز اور کوئٹہ گلیڈی ایٹرز کی ٹیمیں دوپہر اڑھائی بجے لاہور کے قذافی سٹیڈیم میں مدمقابل ہوں گی۔
ایونٹ کا دوسرا میچ راولپنڈیز اور ملتان سلطانز کے مابین شام 7 بجے کراچی کے نیشنل سٹیڈیم میں کھیلا جائے گا۔
یاد رہے کہ ایونٹ میں پوائنٹس ٹیبل پر پشاور زلمی کا پہلا، ملتان سلطانز کا دوسرا، اسلام آباد یونائیٹڈ کا تیسرا نمبر ہے، جبکہ کوئٹہ گلیڈی ایٹرز چوتھے نمبر پر موجود ہے۔
دوسری جانب پی ایس ایل 11 کا لاہور میں دوبارہ آغاز ہوگیا، جس کیلئے پولیس نے جامع سکیورٹی پلان تشکیل دے دیا ہے، لاہور میں دوسرے مرحلے کے دوران پی ایس ایل 11 کے مزید 8 میچز کھیلے جائیں گے۔
سی سی پی او لاہور کا کہنا ہے کہ پاکستان میں انٹرنیشنل کرکٹ کا فروغ خوش آئند ہے، پی ایس ایل میچز کے لئے فول پروف سکیورٹی انتظامات کئے گئے ہیں۔
سی سی پی او کے مطابق لاہور پولیس ملکی و غیر ملکی کھلاڑیوں کو بھرپور سیکیورٹی فراہم کر رہی ہے، سٹیڈیم، کھلاڑیوں کی رہائش اور روٹس کے سکیورٹی پلان پر من وعن عملدرآمد یقینی بنایاجائے گا، ٹریفک کی روانی برقرار رکھنے کے لئے موثر اقدامات اٹھائے جائیں۔
