8 فروری 2024 کو خاموش انقلاب آیا: عامر ڈوگر

اسلام آباد: (دنیا نیوز) پاکستان تحریک انصاف کے رہنما عامر ڈوگر نے کہا ہے کہ 8 فروری کو خاموش انقلاب آیا ہے۔

میڈیا سے گفتگو کرتے ہوئے عامر ڈوگر کا کہنا تھا کہ 8 فروری کو پاکستان کے غیور عوام نے بانی پی ٹی آئی کے نظریے کو ووٹ دیا، اگر 8 فروری والے ووٹ شمار کر لئے جائیں تو ہماری قومی اسمبلی کی 180سیٹیں بنتی ہیں۔

انہوں نے کہا کہ ہمارے پاس 92 ووٹ ہیں، اگر 180 سیٹوں کے ساتھ سپیشل سیٹیں ملائیں تو ہماری 235 سیٹیں بنتی ہیں۔

عامر ڈوگر کا مزید کہنا تھا کہ یہ ووٹ کے بھی چور ہیں اور قومی خزانے کے بھی، یہ کس بے حسی اور بے شرمی کے ساتھ ایوان میں بیٹھے ہیں؟

Advertisement
روزنامہ دنیا ایپ انسٹال کریں