حکومت پی ٹی آئی پر پابندی بارے سنجیدگی سے سوچ رہی ہے، اعظم نذیر تارڑ
اسلام آباد: (دنیا نیوز) پاکستان تحریک انصاف پر پابندی کے معاملہ پر وفاقی وزیر قانون اعظم نذیر تارڑ کا بیان بھی سامنے آگیا۔
وفاقی وزیر قانون اعظم نذیر تارڑ کا کہنا ہے کہ پابندی کے حوالے سے وفاقی حکومت کے پاس میٹریل موجود ہے، وفاقی حکومت اس معاملے پر سنجیدگی سے سوچ رہی ہے۔
اعظم نذیر تارڑ نے کہا کہ سپریم کورٹ میں ریفرنس دائر کرنے سے پہلے سیاسی اور قانونی پہلوؤں کو دیکھا جائے گا۔
