ایران میں مقیم مزید 30 افراد وطن واپس پہنچ گئے
کوئٹہ:(دنیا نیوز) ایران میں مقیم پاکستانیوں کی وطن واپسی کاسلسلہ 38ویں روزبھی جاری رہا۔
ضلعی حکام کے مطابق گبدریمدان بارڈر کے ذریعے آج30افراد وطن واپس پہنچے ، جب کہ اِسی راستے سے اب تک مجمو عی طورپر3021افرادپاکستان آچکے ہیں۔
دوسری جانب تفتان بارڈرکے ذریعے 38 دونوں کے دوران مجموعی طورپر 4 ہزار77 افراد واپس پہنچے ہیں، اِسی طرح 28 فروری سے اب تک گبد ریمدان اور تفتان بارڈر کے ذریعے 7098 افراد وطن آ چکے ہیں۔
مزید برآں حکام کا مزید کہنا تھا کہ پاکستان واپس پہنچنے والوں میں زائرین،ماہی گیر، مزدور، تاجر، ایران اور عمان کے رہائشی بھی شامل ہیں۔
