چین میں کتے بھی وینڈنگ مشین میں فروخت ہونے لگے
بیجنگ:(ویب ڈیسک ) چین میں کتے بھی وینڈنگ مشین میں فروخت ہونے لگے۔
وینڈنگ مشین سے کھانے پینے کی اشیاء خریدنا عام بات ہے، ہر کوئی اسکے استعمال سے آشنا بھی ہوتا جارہا ہے اور ٹیکنالوجی کے اس بڑھتے استعمال کے باعث چین میں ایک ایسی وینڈنگ مشین سامنے آئی ہے جس کے ذریعے پالتو جانوروں کی فروخت کی جارہی ہے۔
تاہم مشین دیکھنے پر سوشل میڈیا صارفین اسے بنانے والے اور اسکے استعمال کرنے والوں کو شدید تنقید کا نشانہ بنارہے ہیں۔
چین کے مختلف شہروں میں ایسی وینڈنگ مشینیں نصب کی جاچکی ہیں جن میں سے کھانے پینے کی اشیا نہیں بلکہ پالتوں جانوروں کی فروخت دیکھنے میں آئی ہے۔
بیجنگ کے ایک مصروف علاقے میں ایسی ہی ایک وینڈنگ مشین کی ویڈیو منظر عام پر آئی ہے جس میں ننھے جانوروں کو مشین میں لگے پنجروں میں بند دیکھا جاسکتا ہے۔
