شمالی کوریا کے رہنما کم جونگ اُن نے پیشکش کا جواب دیدیا: امریکی صدر
واشنگٹن: (دنیا نیوز) امریکی صدر ڈونلڈ ٹرمپ نے کہا ہے کہ شمالی کوریا کے رہنما کم جونگ اُن نے ان کی جانب سے کیے گئے رابطے اور پیشکش کا جواب دے دیا ہے۔
امریکی صدر ڈونلڈ ٹرمپ کا یہ بیان ایک روز بعد سامنے آیا ہے جب انہوں نے جنوبی کوریا کے ساتھ امریکی مشترکہ فوجی مشقوں میں نمایاں کمی کا حکم دیا۔
اوول آفس میں صحافیوں سے گفتگو کے دوران ٹرمپ سے پوچھا گیا کہ کم جونگ اُن نے ان کی پیشکش کا ابھی تک جواب کیوں نہیں دیا، ٹرمپ نے جواب دیا: ’’انہوں نے جواب دیا ہے‘‘ تاہم انہوں نے اس بارے میں مزید تفصیلات فراہم نہیں کیں۔
ٹرمپ نے کہا کہ کم جونگ اُن نے ہمیشہ ان کے ساتھ بہت احترام سے پیش آئے، دونوں کئی مرتبہ مل چکے ہیں اور وہ ایک دوسرے کو سمجھتے ہیں۔
Comments / رائے دیں
Share your thoughts. Comments are reviewed before they appear publicly.
Approved Comments