ایران کیساتھ ممکنہ معاہدہ: خام تیل کی قیمتوں میں کمی کے بعد امریکی سٹاک مارکیٹ میں تیزی
واشنگٹن: (دنیا نیوز) امریکا اور ایران کے درمیان ممکنہ معاہدے اور خام تیل کی قیمتوں میں کمی کے بعد امریکی اسٹاک مارکیٹ میں تیزی آگئی۔
سرمایہ کار امریکی وسط مدتی انتخابات اور بڑی ٹیکنالوجی کمپنیوں کی مالیاتی رپورٹس کے منتظر رہے، ایس اینڈ پی 500 انڈیکس 0.25 فیصد اضافے کے ساتھ 7,598.94 پوائنٹس، نیسڈیک 0.10 فیصد بڑھ کر 25,462.99 پوائنٹس جبکہ ڈاؤ جونز انڈیکس 0.94 فیصد اضافے کے ساتھ 52,258.77 پوائنٹس پر بند ہوا۔
ایران کی جانب سے آٹھ ماہ سے جاری مشرق وسطیٰ کی جنگ کے خاتمے کے لئے مذاکرات پر آمادگی کے بعد برینٹ خام تیل کی قیمتوں میں کمی آئی جبکہ طویل مدت کے امریکی ٹریژری بانڈز کے منافع میں بھی کمی دیکھی گئی۔
ایپل کے حصص سہ ماہی مالیاتی نتائج کے اعلان سے قبل 2 فیصد گر گئے، جبکہ سرمایہ کار میموری چپس کی بڑھتی ہوئی قیمتوں کے اثرات کا جائزہ لے رہے ہیں، ایمازون کے حصص میں 4 فیصد اور ٹیسلا میں 1.8 فیصد اضافہ ہوا۔
Comments / رائے دیں
Share your thoughts. Comments are reviewed before they appear publicly.
Approved Comments