ایشیا کپ 2023:تاج کس کے سر سجے گا؟بھارت اور سری لنکا میں فائنل معرکہ آج

تحریر : محمد ارشد لئیق


پاکستان کرکٹ ٹیم کے ایشیا کپ سے باہر ہونے پر روایتی حریف بھارت خوش ضرور ہے لیکن سری لنکابھی کم نہیں،آج فائنل معرکے میں بھارت کوہوم گرائونڈ پر سرپرائز دے سکتا ہیں۔ ایشیا کپ سپرفور کے دلچسپ مقابلے میں سری لنکا نے 2 وکٹوں سے فتح سمیٹ کر شاہینوں کیلئے وطن واپسی اورخود فائنل کاٹکٹ کٹوایا۔میگا ایونٹ کا فائنل آج بھارت اور سری لنکا کے درمیان کولمبو کے پریماداسا سٹیڈیم میں کھیلا جائے گا۔

 

 سری لنکا اس ٹورنامنٹ کا دفاعی چیمپئن ہے جبکہ بھارت نے سب سے زیادہ یعنی 7 بار ایشیا کپ کا ٹائٹل جیتا ہے۔ سری لنکا نے سپر 4 میچ میں پاکستان کو ڈک ورتھ لوئس اصول کے تحت 2 وکٹوں سے شکست دی، میچ کا فیصلہ آخری گیند پر ہوا۔پاکستان کا فائنل سے باہر ہونا بھارت کیلئے راحت کی بات ہے لیکن سری لنکا بھی کسی سے کم نہیں ہے۔ایشیا کپ کی 39 سالہ تاریخ کی بات کریں تو پاکستان اور بھارت کے درمیان کبھی فائنل نہیں کھیلا گیا۔ سری لنکا کی ٹیم ایشیا کپ کے فائنل میں بھارت کو تین بار شکست دے چکی ہے۔بین الاقوامی ٹورنامنٹس کی بات کریں تو فائنل میں روایتی حریف بھارت اور پاکستان 11 بار آمنے سامنے ہوئے،  جن میں بابر اعظم کی قیادت میں ٹیم کو برتری حاصل ہے اور اسے آخری چار فائنل میں جیت ملی۔1985ء سے 2023ء کے درمیان 3 یا اس سے زیادہ ممالک کے ٹورنامنٹس کی بات کریں تو دونوں روایتی حریف پاکستان اور بھارت 11 بارمدمقابل آ چکے ہیں، ان میں سے پاکستان نے 8 جیتے ہیں اور ٹیم انڈیا صرف 3 بار فاتح ٹھہرا۔ کسی فائنل میں بھارت کی پاکستان کے خلاف آخری جیت 25 سال قبل 1998 میں ہوئی تھی۔ انڈیا اور پاکستان آخری بار 2017 ء میں ایک ملٹی نیشنل ٹورنامنٹ کے فائنل میں آمنے سامنے ہوئے تھے، اس کے بعد پاکستان نے چیمپئنز ٹرافی کے فائنل میں ہندوستان کو 180 رنز سے شکست دے کر شاندار کامیابی حاصل کی تھی۔بھارت نے آخری بار 1998ء میں بنگلہ دیش میں منعقدہ آزادی کپ کے تیسرے فائنل میں دلچسپ مقابلے میں پاکستان کو 3 وکٹوں سے شکست دی تھی۔ آزادی کپ کا پہلا فائنل ہندوستان نے جیتا تھا اور دوسرا فائنل پاکستان نے جیتا تھا۔ ٹیم انڈیا نے تیسرا فائنل جیت کر ٹائٹل اپنے نام کیا۔

آج چونکہ ایشیا کپ کا فائنل معرکہ ہے لہٰذا اب دونوں فائنلسٹ ٹیموں کا تذکرہ کرتے ہیں۔یہ پہلا موقع نہیں جب بھارت اور سری لنکا آمنے سامنے ہورہے ہیں بلکہ ایشیا کپ میں دونوں ٹیموں کے درمیان ٹرافی کی جنگ کئی سالوں سے جاری ہے۔ایشیا کپ میں بھارت اور سری لنکا کل 8 بار آمنے سامنے ہو چکے ہیں، جس میں سری لنکا نے بھارت کو تین بار شکست دے کر ٹرافی اپنے نام کی۔1984 ء میں دونوں ٹیمیں فائنل میں پہنچی تھیں لیکن میچ نہیں کھیلا گیا تھا۔2010 ء کے ایشیا کپ کے فائنل میں بھارت اور سری لنکا آمنے سامنے تھے۔ دونوں ٹیموں کے درمیان سخت مقابلہ ہوا تھا لیکن بھارتی ٹیم نے اس میچ میں سری لنکا کے ہاتھوں سے ٹرافی چھین کر تاریخ دہرائی تھی۔ اس ٹیم کے تین کھلاڑی آج 13 سال بعد بھی ٹیم انڈیا کے ساتھ موجود ہیں۔روہت شرما، ویرات کوہلی اور رویندر جدیجہ جیسے تجربہ کار کھلاڑی اس فہرست میں شامل ہیں۔ تینوں کھلاڑیوں نے ایشیا کپ 2010 ء کے فائنل میں سری لنکا کو چیلنج کیا تھا۔ اس بار بھی جدیجہ اپنی آل رائونڈ کارکردگی سے مخالف ٹیموں کی ناک میں دم کر رہے ہیں اور شاندار فارم میں ہیں۔آج  فائنل میں سب کی نظریں ان پر ہوں گی۔روہت شرما ایشیا کپ میں زبردست فارم میں نظر آئے، وہ پاکستان، سری لنکا اور نیپال کے خلاف نصف سنچریوں کی ہیٹ ٹرک کرچکے ہیں۔

ایشیا کپ 2023 کے سپر فور مرحلے کے آخری میچ میں بنگلہ دیش نے بھارت کو سنسنی خیز مقابلے کے بعد 6 رنز سے شکست دے کر فائنل سے پہلے ہار کا زخم دیدیا۔سری لنکا کے خلاف فائنل سے پہلے بنگلہ دیش کے ہاتھوں بھارت کی شکست سے ایشیا کپ کے آخری مقابلے میں زبردست مقابلے کی توقع کی جاسکتی ہے۔ اس سے یقینا سری لنکن ٹیم کا مورال بھی مزید بلند ہواہوگا اور وہ آج اپنے ہوم گرائونڈ اور ہوم کرائوڈ کا بھرپور فائدہ اٹھانے کی کوشش کریں گے۔

روزنامہ دنیا ایپ انسٹال کریں

عید الاضحی:صبرووفا،اطاعت ربانی کی عظیم داستان

عید الاضحی ایک اسلامی تہوار ہے اور عبادت و خوشی کے اظہار کا دن بھی ہے۔ ہر قوم میں خوشی کے اظہار کے کچھ دن ہوا کرتے ہیں۔ زمانہ جہالیت میں بھی سرکار دوعالم ﷺجب ہجرت کرکے مدینہ منورہ تشریف لے گئے تو وہاں کے لوگ دو دن ناچ گانے کھیل کود میں گزارا کرتے۔

عید کے دن کیسے گزاریں؟

ادیان عالم میں ہر مذہب سے وابستہ ہر قوم اپنا ایک مذہبی تہوار رکھتی ہے۔ جس میں وہ اپنی خوشی کے اظہار کے ساتھ ساتھ اپنے جداگانہ تشخص کا اظہار بھی کرتی ہے۔مسلمانوں کی عید دیگر مذاہب و اقوام کے تہواروں سے بالکل مختلف حیثیت رکھتی ہے۔اہل اسلام کی عید اپنے اندر اطاعتِ خداوندی،اسوہ نبوی ،جذبہ ایثار و قربانی، اجتماعیت،غریب پروری، انسانی ہمدردی رکھتی ہے۔ جانور کی قربانی کرنا دراصل اسلامی احکامات پر عمل کرنے کیلئے خواہشات کی قربانی کا سنگ میل ہے۔

فلسفہ قربانی:تاریخ،اسلامی اور معاشی حیثیت

اقوام عالم کی تاریخ کا مطالعہ کرنے سے یہ بات سامنے آتی ہے کہ ہر قوم میں قربانی کا تصور کسی نہ کسی شکل میں موجود رہا ہے۔ ہزاروں سال پہلے جب انسان اپنے حقیقی خالق و مالک کو بھول چکا تھا اور اپنے دیوتاؤں کی خوشنودی حاصل کرنے کیلئے یا ان کے نام کی نذر و نیاز مانتے ہوئے جانور کو ذبح کر کے ان کے سامنے رکھ دیتا تھا اور یہ عقیدہ رکھتا کہ اب دیوتا مجھے آفات سے محفوظ رکھیں گے۔

پیغمبروں کی عظیم قربانی

ماہ ذوالحجہ قمری سال کا آخری مہینہ ہے، رب ذوالجلال نے جس طرح سال کے بارہ مہینوں میں سے رمضان المبارک کو اور پھر رمضان المبارک کے تین عشروں میں سے آخری عشرہ کو جو فضیلت بخشی ہے بعینہ ماہ ذوالحجہ کے تین عشروں میں سے پہلے عشرہ کو بھی خاص فضیلت سے نوازاہے۔

گرین شرٹس کو واپسی

آئی سی سی مینز ٹی20ورلڈکپ کے گزشتہ 8 ایڈیشنز میں تین بار سیمی فائنل اور تین بار فائنل کھیل کر ایک بار ورلڈ چیمپئن بننے والی پاکستان کرکٹ ٹیم امریکہ اور ویسٹ انڈیز میں جاری ٹی20ورلڈ کپ کے 9ویں ایڈیشن میں گروپ مرحلے سے ہی آئوٹ ہو گئی ہے اور یہ پہلا موقع ہے کہ ٹی ٹوئنٹی ورلڈ کپ میں متاثر کن ریکارڈ کا حامل پاکستان فائنل یا سیمی فائنل تو بہت دور کی بات، سپرایٹ مرحلے کیلئے بھی کوالیفائی نہ کر سکا۔

ٹی 20 ورلڈ کپ 2024 اب تک کے ریکارڈز

بہترین بلے بازورلڈ کپ 2024ء میں اب تک سب سے زیادہ رنز بنانے والے کھلاڑی افغانستان کے رحمت اللہ گرباز ہیں، جنہوں نے 3 میچ کھیل کر 167رنز بنائے ہیں۔ اس فہرست میں امریکہ کے ارون جونز141 رنز کے ساتھ دوسرے، آسٹریلیا کے وارنر 115 رنز کے ساتھ تیسرے، افغانستان کے ابراہیم زردان 114 رنز کے ساتھ چوتھے اور امریکہ کے غوث 102 رنز کے ساتھ پانچویں نمبر پر ہیں۔