پہیلیاں
(1)دبلی پتلی سی اک رانی اوپر آگ اور نیچے پانی منہ چومو تو شور مچائےبات کرو تو چپ ہو جائے٭٭٭
(2)میری پہیلی بوجھو گے تم
اک انچ چڑیا، دو گز کی دم
٭٭٭
(3)بات انوکھی کیا کوئی جانے
اک ڈبیا میں سینکڑوں دانے
میٹھے میٹھے، رنگ رنگیلے
رس بھرے، رس دار، رسیلے
کوئی چوسے، کوئی چبائے
بچہ بوڑھا ہر اک کھائے
٭٭٭
(4)نازک نازک سی اک گڑیا
لوگ کہیں گے سب اس کو اڑیا
کاغذ کے سب کپڑے پہنے
دھاگے کے سب زیور گہنے
سیدھی جائے، مڑتی جائے
پری نہیں، پر اڑتی جائے
٭٭٭
(5)دنیا میں ہیں ہم دو بھائی
بھاری بوجھ اٹھانے والے
پائوں تلے دب جانے والے
لیکن یہ ہے بات نرالی
دن بھر تو ہم بھرے ہوئے ہیں
رات آئے تو بالکل خالی
٭٭٭
جوابات: (1) حقہ، (2) سوئی دھاگا، (3) انار، (4)پتنگ، (5) جوتے۔
روزنامہ دنیا ایپ انسٹال کریں
