حرف حرف موتی
٭… اخلاق سے اچھا تحفہ کوئی نہیں۔ ٭… مسکراہٹ دل جیتنے کا سب سے اچھا طریقہ ہے، بچو! آپ اس طریقے پر عمل کرکے پوری دنیا فتح کر سکتے ہیں۔٭… سب کے ساتھ ہنسئے، لیکن کسی پر ہنسنے کی عادت ترک کردیجئے۔
٭… اگر مذاق میں بھی کسی کا دل دکھانے کا سبب بن جائو تو معافی مانگنے میں دیر نہ کرو۔ معافی مانگ لینے سے دل کے زخم ختم تو نہیں ہوتے لیکن ان پر مرہم لگ جاتا ہے۔
٭… انسان عظیم نہیں ہوتے، ان کے نیک کام ان کو عظیم بناتے ہیں۔ اس لئے عظیم بننا چاہتے ہیں تو اچھے کام کیجئے۔
٭…زندگی مختصر ہے، نفرت اور ناپسندیدگی میں گزاری جائے تو اس کی عمر اور بھی چھوٹی ہو جاتی ہے۔
٭…علم، اخلاق اور صحت ایسی چیزیں ہیں جو انسان کے پاس ہوں تو اسے کسی چوتھی چیز کی ضرورت نہیں ہوتی۔ یقین جانئے ہر چیز ان تینوں چیزوں کے دم سے حاصل کی جا سکتی ہے۔