آج کا پکوان:کلیجی مصالحہ
اجزا: بکرے کی کلیجی: آدھا کلو ، ہری پیاز، ہری مرچ :4،6 عدد، ادرک لہسن پیسٹ :1،1 چمچ، آئل :3،4 چمچ، نمک، گرم مصالحہ، کٹی لال مرچ، کالی مرچ اور لیموں کا رس۔کلیجی کی بُو ختم کرنے کے لیے اسے دھونے کے بعدلیموں کا رس اور تھوڑا سا خشک آٹا چھڑک کر کچھ دیر رکھ دیں پھر دھو کر پکائیں۔
دم پر قصوری میتھی ڈالنے سے بھی بساند ختم ہو جاتی ہے اور بہترین خوشبو آتی ہے۔کلیجی مصالحہ پاؤڈر:(آدھا کلو کلیجی کیلئے):لال مرچ پاؤڈر :1 چمچ، کٹی لال مرچ :آدھا چمچ، ہلدی :آدھا چمچ، دھنیا پاؤڈر: آدھا چمچ اور گرم مصالحہ پاؤڈر :آدھا چمچ۔
ترکیب: ہری پیاز، ہری مرچ، ادرک، لہسن اور آئل کو چوپر میں ڈال کر باریک چوپ کر لیں۔ایک پیالے میں کلیجی، چوپڈ مکسچر اور تمام خشک مصالحے مکس کر کے آدھے گھنٹے کے لیے فریج میں رکھ دیں۔فرائنگ پین میں میرینیٹ کی ہوئی کلیجی ڈالیں اور تیز آنچ پر ڈھانپ کر پکائیں ۔تیز آنچ پر پکانے سے کلیجی نرم رہتی ہے۔آخر میں لیموں کا جوس اور کٹی کالی مرچ چھڑک کر گرما گرم پیش کریں۔
مینگو مکس
اجزا: آم (کیوبز) : ایک کپ، پنیر : ایک کپ، کیلا سلائس :ایک کپ، کریم : ایک کپ، کھجور باریک لمبائی میں کٹی:آدھا کپ، بادام باریک کٹے ہوئے : 50 گرام، اخروٹ باریک کٹے ہوئے : 25 گرام، پستہ باریک کٹے ہوئے : 25 گرام، کشمش :50 گرام، صاف کرکے 20 منٹ بھگوئیں، پھر فریز کریں۔ جیلی : مختلف رنگوں کی جیلی ڈال سکتے ہیں، چینی: آدھی پیالی، شہد: ایک کھانے کا چمچ
ترکیب: تمام اجزاپہلے سے ٹھنڈے کرلیں۔ سب کو ایک بڑے باؤل میں مکس کریں، ڈرائی فروٹ چھوڑ کر۔ فریج میں 15 منٹ رکھیں پھر سرونگ باؤل میں ڈال کر اوپر سے ڈرائی فروٹ ڈالیں۔تمام اجزا فریش استعمال کریں تاکہ مزہ اور غذائیت بھی بہترین آئے۔
