ذرا مسکرائیے
استاد (شاگرد سے) :بلبل کا مذکر بتاؤ؟
شاگرد:جناب بلبلہ۔
استاد (ڈنڈا اٹھاتے ہوئے) :اور جمع۔
شاگرد :جناب! ابابیل۔
٭٭٭
ایک دوست: (دوسرے سے) اتنی سی بات تو گدھا بھی سمجھ سکتا ہے۔
دوسرا دوست: تو تم سمجھ گئے اور میں نہ سمجھ سکا۔
٭٭٭
ماں (بیٹے سے): دوائی پی کر اچھل کیوں رہے ہو؟
بیٹا: میں دوائی پینے سے پہلے ہلانا بھول گیا تھا۔ اب اچھل رہا ہوں تا کہ پیٹ میں اچھی طرح مل جائے۔
٭٭٭
ایک کنجوس امیر آدمی کے گھر کچھ مہمان آئے کھانے کے وقت کنجوس میزبان نے ان سے پوچھا : آپ کیا کھائیں گے۔
مہمانوں نے کہا:جو آپ کھائیں گے وہی ہم کھالیں گے۔
کنجوس میزبان خوش ہو کر بولا:بھئی! میرا دل تو ہوا کھانے کو چاہتا ہے، آج آپ بھی میرے ساتھ ہوا ہی کھائیں۔
٭٭٭
روزنامہ دنیا ایپ انسٹال کریں
