دنیا کے وہ ممالک جہاں خواتین مردوں سے زیادہ
اسپیشل فیچر
اقوام متحدہ کے اندازے کے مطابق 236 ممالک یا خطوں میں سے 152 ممالک یا خطوں میں خواتین کی تعداد مردوں سے زیادہ ہے۔ مکمل طور پر، روسی فیڈریشن میں مردوں کے مقابلے 10.22 ملین زیادہ خواتین ہیں، اس کے بعد برازیل (4.03 ملین)، ریاستہائے متحدہ امریکہ (3.48 ملین) اور جاپان (3.46 ملین) 15 ممالک ایسے ہیں جہاں خواتین کی آبادی مردوں کی آبادی سے ایک ملین سے زیادہ ہے۔
دوسری طرف، 84 ممالک/علاقوں میں مردوں کی تعداد خواتین سے زیادہ ہے۔ ہندوستان میں مردوں کی تعداد 45.07 ملین زیادہ ہے، اس کے بعد چین میں، خواتین کے مقابلے میں 27.93 ملین زیادہ مرد ہیں۔ 10 ممالک میں مردوں کی آبادی خواتین کی آبادی ایک ملین سے زیادہ بھی ہے۔متحدہ عرب امارات مردوں کی درجہ بندی میں 115 ممالک میں سے 79 ویں نمبر پر ہے، قطر 24 ویں ، عمان14 ویں ، کویت13 ویں ، سعودی عرب12 ویں اورر بحرین 10 ویں نمبر پر ہے۔
سب سے زیادہ خواتین کی
آبادی والے دس ممالک
جنوری 2021 ء میں کئے گئے سروے میں اقوام متحدہ کے اعداد و شمار کے مطابق دنیا میں آبادی کی تعداد.8 7 ارب تک پہنچ چکی ہے۔ اس وقت پوری دنیا میں آبادی میں سالانہ تقریباً 90 ملین کا اضافہ ہو رہا ہے۔ اعداد و شمار میں خواتین کی نسبت مردوں کی تعداد قدرے زیادہ ہے۔خواتین کی آبادی کے لحاظ سے ممالک کی درجہ بندی کچھ اس طرح سے ہے۔
نیپال
خواتین نیپال کی آبادی کا 54.4فیصد حصہ ہیں۔یہ ایک خشکی سے گھرا ہوا ملک ہے جو مشرق، جنوب اور مغرب میں ہندوستان اور شمال میں چین کے تبت خود مختار علاقے کے درمیان واقع ہے۔ نیپال کا دارالحکومت کھٹمنڈو ہے۔
لٹویا
خواتین لٹویا کی آبادی کا 54.0فیصدحصہ ہیں۔یہ شمال مشرقی یورپ میں اور تین بالٹک ریاستوں کے درمیان میں واقع ہے۔ جون 1940ء میںسویت یونین نے لٹویا پر قبضہ کر لیا اور الحاق کر لیا۔ 21 اگست 1991ء کو لٹویا نے آزادی کا اعلان کیا۔6 ستمبر کوسویت یونین نے اپنی خودمختاری کو تسلیم کر لیا اور اس کے فوراً بعد اقوام متحدہ کی رکنیت حاصل کر لی گئی۔ 2004ء میں لٹویا کو نارتھ اٹلانٹک ٹریٹی آرگنائزیشن (NATO) اور یورپی یونین (EU) میں شامل کیا گیا۔
خواتین آبادی کا 53.7فیصدحصہ ہیں۔یہ شمال مشرقی یورپ میں واقع ہے اور بالٹک کی تین ریاستوں میں سے سب سے جنوبی اور سب سے بڑی ریاست ہے۔ لتھوانیائی لتھوانیا کی سرکاری زبان ہے۔
یوکرین
خواتین یوکرین کی آبادی کا 53.7 فیصد حصہ ہیں۔ یہ مشرقی یورپ میں واقع ہے اور روس کے بعد براعظم کا دوسرا سب سے بڑا ملک ہے۔ اس کا دارالحکومت کیو( kiev) ہے اور شمالی وسطی یوکرین میں دریائے ڈینیپر پر واقع ہے۔
روس
خواتین روس کی آبادی کا 53.7 فیصد حصہ ہیں۔ یہ دنیا کے بڑے ممالک میں سے ایک ہے ۔ یہ مشرقی یورپ اور شمالی ایشیاء کے وسیع و عریض حصے میں پھیلا ہوا تھا۔ دسمبر 1991ء میں سوویت یونین کی تحلیل کے بعد یہ ایک آزاد ملک بن گیا۔
بیلاروس
خواتین بیلا روس کی آبادی کا 53.5فیصد حصہ ہیں۔ یہ مشرقی یورپ کا ایک خشکی سے گھرا ملک ہے جس کی سرحد شمال مشرق میں روس، جنوب میں یوکرین، مغرب میں پولینڈ اور شمال مغرب میں لتھوانیا اور لٹویا سے ملتی ہے۔ اس کا دارالحکومت منسک ہے۔
ایل سلواڈور
ایل سلواڈور میں خواتین آبادی کا 53.2فیصد حصہ ہیں۔ یہ وسطی امریکہ کا ایک ملک ہے۔ یہ سات وسطی امریکی ممالک میں سب سے چھوٹا اور سب سے زیادہ گنجان آباد ہے۔ ایل سلواڈور کا دارالحکومت سان سلواڈور ہے۔
آرمینیا
خواتین آرمینیا کی آبادی کا53.0 فیصد حصہ ہیں۔ یہ Transcaucasia کا ایک ملک ہے اور قفقاز کے عظیم پہاڑی سلسلے کے بالکل جنوب میں اور ایشیا کی شمال مغربی انتہا کے سامنے واقع ہے۔ شمال اور مشرق میں آرمینیا جارجیا اور آذربائیجان سے منسلک ہے۔
ایسٹونیا
خواتین ایسٹونیا کی آبادی کا 52.7فیصد حصہ ہیں۔ یہ شمال مشرقی یورپ میں ایک خودمختار ریاست ہے۔ اس کی سرحد شمال میں خلیج فن لینڈ سے ملتی ہے اور دوسری طرف فن لینڈ، مغرب میں بحیرہ بالٹک اور مغرب میں سویڈن، جنوب میں لٹویا اور مشرق میں جھیل پیپس اور روس ہیں۔
پرتگال
خواتین پرتگال کی آبادی کا 52.7فیصد حصہ ہیں۔ سرکاری طور پر پرتگالی جمہوریہ کے نام سے جانا جاتا ہے۔ یہ جنوب مغربی یورپ میں جزیرہ نما آئبیرین کے بحر اوقیانوس کے ساحل پر واقع ہے۔ اس کا دارالحکومت لزبن ہے اور یہ ایک اقتصادی اور ثقافتی مرکز ہے۔
