چناب میرا تھن کا انعقاد ‘ 2ہزار سے زائد افراد کی شرکت
گجرات(سٹی رپورٹر ) وزیر اعلیٰ پنجاب کے ’’کھیلتا پنجاب‘‘ویژن کے تحت ضلعی انتظامیہ گجرات اور یونیورسٹی آف چناب کے اشتراک سے ’’چناب میراتھن 2025‘‘کا شاندار انعقاد کیا گیا۔
تاریخی جی ٹی روڈ پر واقع کٹھالہ گراؤنڈ سے گلزار مدینہ چوک تک منعقد ہونے والی اس میراتھن میں ضلع بھر سے 2000سے زائد نوجوانوں، طلبا و طالبات، کھلاڑیوں اور شہریوں نے بھرپور شرکت کی۔ڈپٹی کمشنر گجرات صفدر حسین ورک نے میراتھن کا افتتاح کیا اور شرکا کے جوش و جذبے کو سراہا۔ انہوں نے میراتھن کی اختتامی تقریب میں پہلی پوزیشن حاصل کرنے والے محمد زین نمبر کو50ہزار روپے کا چیک اور تعریفی اسناد بھی دیں جبکہ دوسری اور تیسری پوزیشن حاصل کرنے والے نوجوانوں کو 25 ہزار اور 15ہزار روپے انعام کے ساتھ ساتھ سلور اور برونز میڈل دیے گئے ۔ ڈی سی صفدر حسین ورک نے کہا کہ چناب میراتھن نہ صرف ایک صحت مند سرگرمی ہے بلکہ اتحاد، نظم و ضبط اور مثبت سماجی سوچ کو فروغ دینے کا ایک زبردست ذریعہ ہے ،ایونٹ کے کامیاب اور مربوط انتظامات کے لیے پنجاب پولیس، ٹریفک پولیس، ریوینیو ڈیپارٹمنٹ، ریسکیو 1122، محکمہ جنگلات، محکمہ کھیل، محکمہ اطلاعات اور دیگر متعلقہ محکموں نے اپنی پیشہ ورانہ ذمہ داریاں بہترین انداز میں سر انجام دیں۔
