سٹاک مارکیٹ میں ہر دن نیا ریکارڈ، انڈیکس 1 لاکھ 5 ہزار پوائنٹس کی حد بھی عبور کر گیا
کراچی: (دنیا نیوز) پاکستان سٹاک مارکیٹ میں ہر دن نیا ریکارڈ، ہنڈرڈ انڈیکس 1 لاکھ 5 ہزار پوائنٹس کی بلند ترین سطح بھی عبور کر گیا۔
کاروباری ہفتے کے تیسرے روز بھی سٹاک ایکسچینج میں کاروبار کے آغاز پر ہی تیزی دیکھنے میں آئی۔
پاکستان سٹاک مارکیٹ میں 545 پوائنٹس اضافے کے ساتھ ہنڈرڈ انڈیکس 1 لاکھ 5 ہزار 104 پوائنٹس کی بلند ترین سطح پر بند ہوا ہے۔
واضح رہے کہ کاروباری ہفتے کے دوسرے روز پاکستان سٹاک مارکیٹ میں ٹریڈنگ کے دوران 1284 پوائنٹس کا اضافہ ہوا جس کے ساتھ سٹاک ایکسچینج میں ہنڈرڈ انڈیکس 1 لاکھ 4 ہزار 559 پوائنٹس کی سطح پر بند ہوا تھا۔
سٹاک مارکیٹ میں آج 32 ارب 38 کروڑ 87 لاکھ 19 ہزار 570 روپے مالیت کے 69 کروڑ 76 لاکھ 48 ہزار 587 شیئرز کا لین دین ہوا۔
