مقامی مارکیٹ میں سونا سستا، چاندی کے دام مستحکم
کراچی: (دنیا نیوز) مقامی مارکیٹ میں سونا سستا جبکہ چاندی کے دام میں استحکام دیکھنے میں آیا ہے۔
آل پاکستان صرافہ جیمز اینڈ جیولرز ایسوسی ایشن کے مطابق فی تولہ سونا 3 ہزار روپے سستا ہو کر 4 لاکھ 88 ہزار 462 روپے پر آگیا، جبکہ 10 گرام سونے کی قیمت 2 ہزار 572 روپے کی کمی سے 4 لاکھ 18 ہزار 777 روپے ہوگئی۔
اس کے علاوہ چاندی کی فی تولہ قیمت بغیر کسی تبدیلی کے 7 ہزار 744 روپے کی سطح پر مستحکم رہی۔
دوسری جانب عالمی منڈی میں فی اونس سونا 30 ڈالر سستا ہو کر 4657 ڈالر پر آ گیا۔
