فیروزوالہ: کار سواروں کی فائرنگ سے ایک ڈاکو ہلاک، 3 فرار
لاہور: (دنیا نیوز) فیروزوالہ کے علاقے میں کار سواروں کی فائرنگ سے ایک ڈاکو ہلاک جبکہ 3 فرار ہوگئے۔
پولیس ترجمان کے مطابق ڈاکو فیروزوالہ کے علاقے ونڈیالہ دیال شاہ کے قریب راہگیروں سے لوٹ مار کر رہے تھے، اس دوران ڈاکوؤں نے ایک کار کو روکنے کی کوشش کی، کار سواروں نے گاڑی روکنے کی بجائے ڈاکوؤں پر سیدھی فائرنگ کر دی۔
حکام کا کہنا ہے کہ فائرنگ کے نتیجے میں ایک ڈاکو ہلاک جبکہ 3 فرار ہونے میں کامیاب ہوگئے۔
پولیس نے موقع پر پہنچ کر نعش قبضہ میں لے کر ہسپتال منتقل کر دی، فرار ہونے والے ڈاکوؤں کی تلاش کیلئے پولیس کی ٹیمیں چھاپے مار رہی ہیں۔
