اے این ایف نے بھاری مقدار میں منشیات پکڑ لی، 2 ملزم گرفتار
کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں کے دوران بھاری مقدار میں منشیات برآمد کر کے 2 ملزمان کو گرفتار کر لیا۔
ترجمان اے این ایف کے مطابق 3 مختلف مقامات پر کارروائیاں کی گئیں جس میں راولپنڈی، کوہاٹ اور کراچی شامل ہیں، کارروائیوں کے دوران 20.555 کلو گرام منشیات برآمد کر لی گئی۔
گرفتار کئے گئے 2 ملزمان سے 19 کلو 555 گرام چرس اور 1 کلو آئس پکڑی گئی ہے۔
حکام کے مطابق گرفتار ملزمان نے تعلیمی اداروں کے طلباء کو منشیات فروخت کرنے کا اعتراف کیا ہے، ملزمان کے خلاف انسداد منشیات ایکٹ کے تحت مقدمات درج کر لئے گئے ہیں۔
