اے این ایف کی کارروائیاں، افغان باشندے سمیت 7 ملزمان گرفتار، منشیات برآمد
کراچی: (دنیا نیوز) اینٹی نارکوٹکس فورس (اے این ایف) نے مختلف کارروائیوں کے دوران بھاری مقدار میں منشیات برآمد کر کے ایک افغان باشندے سمیت 7 ملزمان گرفتار کر لئے۔
ترجمان اے این ایف کے مطابق کارروائیاں سوہاوہ، ساہیانوالہ، سیالکوٹ، پشین اور پشاور میں کی گئیں۔
حکام کا کہنا ہے کہ 5 مختلف کارروائیوں میں 90 کلوگرام چرس،31 کلو 800 گرام افیون اور 3 کلو 500 گرام ہیروئین برآمد پکڑی گئی۔
ترجمان کے مطابق گرفتار ملزمان کے خلاف انسداد منشیات ایکٹ کے تحت مقدمات درج کر لئے گئے۔
