رحیم یار خان: پولیس اور ڈاکوؤں کے درمیان فائرنگ کا تبادلہ، ایک ڈاکو ہلاک
رحیم یار خان: (دنیا نیوز) تھانہ آباد پور پولیس اور ڈاکوؤں کے درمیان فائرنگ کے تبادلے میں ایک ڈاکو ہلاک ہو گیا۔
ترجمان پولیس کے مطابق پولیس پارٹی نے ناکہ بندی پر مشکوک موٹر سائیکل سواروں کو روکنے کی کوشش کی تو مسلح ڈاکوؤں نے فائرنگ کر دی، ہلاک ڈاکو نا معلوم الاسم ہے جس کی شناخت کروائی جا رہی ہے۔
ترجمان نے مزید بتایا کہ ہلاک ڈاکو کے قبضہ سے اسلحہ برآمد کر لیا گیا، ڈاکو کی نعش ہسپتال بھجوا کر قانونی کارروائی عمل میں لائی جا رہی ہے، کارروائی پر ڈی پی او عرفان علی سموں نے پولیس ٹیم کو شاباش دی۔
