نیوز الرٹ
  • بریکنگ :- اسحاق ڈارکیخلاف اثاثہ جات ریفرنس پراحتساب عدالت میں سماعت
  • بریکنگ :- سابق صدرنیشنل بینک ملزم سعیداحمدکی بریت کی درخواست دائر
  • بریکنگ :- اسلام آباد:بریت کی درخواست پرنیب کونوٹس جاری،جواب طلب
  • بریکنگ :- اسلام آباد:نیب پراسیکیوٹرکوروناکےباعث پیش نہ ہوسکے
  • بریکنگ :- اسلام آباد:عدالت نےریفرنس پرسماعت 6 اکتوبرتک ملتوی کردی
Coronavirus Updates

کوئی گالیاں دیکر جمہوری حق استعمال کرنے سے نہیں روک سکتا: مہوش حیات

تفریح

لاہور: (ویب ڈیسک) پاکستان کی معروف اور صدارتی ایوارڈ یافتہ اداکارہ مہوش حیات نے کہا ہے کہ کوئی گالیاں دیکر مجھے جمہوری حق استعمال کرنے سے نہیں روک سکتا ہے۔

واضح رہے کہ چند روز قبل مہوش حیات نے ملک میں خواتین اور بچوں پر ہونے والے جنسی اور صنفی تشدد سے متعلق آواز اٹھاتے ہوئے کہا تھا کہ نعروں کا وقت ختم ہوچکا لہذا اب ہم جاننا چاہتے ہیں کہ حکومت نظام کو تبدیل کرنے کے لیے کیا کرنے جارہی ہے۔ اداکارہ کو اس بیان کے بعد سوشل میڈیا پر صارفین کی جانب سے شدید تنقید کا سامنا کرنا پڑا تھا۔

یہ بھی پڑھیں: حکومت بتائے ملک میں نظام کی تبدیلی کیلئے کیا کررہی ہے: مہوش حیات

سماجی رابطے کی ویب سائٹ ٹویٹرپر اداکارہ نے اپنے ماضی کے بیان کی وضاحت دیتے ہوئے کہا کہ میں نے حکومت کے خلاف کچھ نہیں کہا تھا، ہم جمہوری ملک میں رہتے ہیں جہاں مجھ سمیت ہر شہری کو یہ حق حاصل ہے کہ وہ اقتدار میں موجود افراد کا احتساب کرے۔

مہوش حیات نے کہا کہ مجھے گالیاں دیکر یا برے ناموں سے پکارکر آپ میرا جمہوری حق استعمال کرنے سے نہیں روک سکتے، یہ تمام چیزیں آپ ہی کے گندے ذہن کی عکاسی کرتی ہیں۔
 

Advertisement
روزنامہ دنیا ایپ انسٹال کریں