آئی سی سی ٹیسٹ ٹیم آف دی ایئر کا اعلان، کین ولیمسن کپتان مقرر
دبئی:(دنیا نیوز) نیوزی لینڈ کے کین ولیمسن کو انٹرنیشنل کرکٹ کونسل(آئی سی سی ) کی ٹیسٹ ٹیم آف دی ایئر کا کپتان مقرر کردیا گیا ہے۔
آئی سی سی کی جانب سے ٹیسٹ ٹیم آف دی ایئر کا اعلان کیا گیا جس کے لئے ولیمسن بہترین ٹیسٹ الیون کے کپتان مقرر ہوئے جبکہ دیگر کھلاڑیوں میں فواد عالم ، شاہین آفریدی ، حسن علی ، مارنس لیبوشین، جو روٹ ، روہت شرما ، رشبھ پنت ، دیمتھ کرونا رتنا ، روی چندرن ایشون اور کائل جیمیسن شامل ہیں۔
Here s your 2021 ICC Men s Test Team of the Year
— ICC (@ICC) January 20, 2022
Are your favourite players a part of the XI pic.twitter.com/GrfiaNDkpx
قبل ازیں آئی سی سی نے ون ڈے ٹیم آف دی ایئر کا اعلان کیا جس کے لئےبابر اعظم کو ٹیم کا کپتان مقررکیا گیا ۔
بابر اعظم نے ایک اور اعزاز اپنے نام کر لیا، نمبر ون بلے باز آئی سی سی ون ڈے ٹیم آف دی ایئر کے کپتان مقرر کئے گئے ہیں۔ پاکستان کی جانب سے فخر زمان بھی ٹیم میں شامل ہیں۔قومی کپتان نے 6 ون ڈے میچز میں 67 کی اوسط سے 405 رنز بنائے،فخر زمان نے 6 میچز میں 365 رنز بنانے کے ساتھ جنوبی افریقہ کے خلاف 193 رنز کی یادگار اننگز کھیلی۔
سال کی بہترین11 رکنی ٹیم میں بنگلا دیش کے شکیب الحسن، مشفیق الرحیم اور مستفیض الرحمان بھی شامل ہیں۔ سری لنکا کے سٹار کھلاڑی ونندو ہاسارنگا اور دشمنتھ چمیرا بھی ٹیم کا حصہ ہیں۔ آئرلینڈ کے پال اسٹرلنگ ،سمی سنگھ جبکہ جنوبی افریقہ کے جانیمن ملان اور وین ڈوسن بھی سال کی بہترین ٹیم میں شامل ہیں۔ ٹی 20 کی طرح ون ڈے ٹیم آف دی ایئر میں بھی کوئی بھارتی کرکٹر شامل نہیں کیا گیا۔