پی ٹی آئی رہنما عمر ایوب کے گھر پر پولیس کاچھاپہ
اسلام آباد : (دنیانیوز) پاکستان تحریک انصاف کے رہنما عمر ایوب نے کہا ہے کہ اسلام آباد پولیس نے رات ساڑھے 12 بجے بغیر وارنٹ ان کے گھر پر چھاپہ مارا ہے۔
سماجی رابطے کی ویب سائٹ ٹوئٹر پر عمرایوب نے الزام لگایا کہ پولیس نے ان کے گھر سے گاڑی چوری کی ہے ، اپنی پوسٹ میں انہوں نے پو چھا کہ گاڑی کیلئے ایف آئی آر کہاں درج کرانی چاہیے؟ کیا چوروں سے چوروں کو پکڑنے کا کہوں؟
Islamabad Police from Shalimar Police Station raided my house again at approx 12:30 am 28.5.23 without a search warrant & stole my parked Toyota Hi Lux Twin Cabin Model 2011. Islamabad Police is indulging in illegal searches & now vehicle thefts. Members of the Judiciary, Civil…
— Omar Ayub Khan (@OmarAyubKhan) May 27, 2023
خیال رہے کہ گزشتہ روز پاکستان تحریک انصاف کے چیئرمین عمران خان نے عمر ایوب کو سیکرٹری جنرل مقرر کیا تھا ۔
دوسری جانب سابق مشیرداخلہ و احتساب شہزاد اکبر نے بھی ایک ٹویٹ میں کہا ہے کہ سب جانتے ہیں کہ میں ملک میں موجود نہیں ہوں پھر بھی 25 سے 30 اہلکاروں نے ان کے گھر پر چھاپہ مارا ہے۔
انہوں نے کہا کہ اہلکار دروازہ توڑ کر گھر میں داخل ہوئے اور ان کے چھوٹے بھائی کو لے گئے۔
Everyone knows I am not in country but Rangers and Police (25-30 armed) has attacked my house in Islamabad at 1 am, broken doors and have kidnapped my younger brother.
— Mirza Shahzad Akbar (@ShazadAkbar) May 27, 2023
واضح رہے کہ 9 مئی کو سابق وزیراعظم اور پاکستان تحریک انصاف کے چیئرمین عمران خان کی القادر ٹرسٹ کیس میں قومی احتساب بیورو (نیب) کی طرف سے اسلام آباد ہائی کورٹ سے گرفتاری کے بعد تحریک انصاف کیجانب سے ملک گیر احتجاج کیا گیا ، اس دوران حکومت کی جانب سے تحریک انصاف کے متعدد رہنماؤں اور کارکنان کی گرفتاری کا سلسلہ تاحال جاری ہے ۔
