بنگلادیش کیخلاف دوسرے ٹیسٹ میں طلباء کی مفت انٹری کا اعلان
![](https://img.dunyanews.tv/news/2024/August/08-27-24/news_big_images/833484_37726915.jpg)
لاہور: (دنیا نیوز) پاکستان کرکٹ بورڈ (پی سی بی) نے پاکستان اور بنگلا دیش کے درمیان کھیلے جانے والے دوسرے ٹیسٹ میچ میں طلباء کے لیے مفت داخلے کا اعلان کر دیا۔
پی سی بی نے کہا ہے کہ سٹیڈیم میں داخلے کے لیے طلباء کو تعلیمی ادارے کا کارڈ ساتھ لانا ہو گا، طلباء کسی بھی وی آئی پی اور پریمیئم انکلوژر سے میچ دیکھ سکیں گے۔
پاکستان کرکٹ بورڈ کا کہنا ہے کہ طلباء کے لیے مفت داخلے کی پالیسی کا اطلاق پی سی بی گیلری یا پلاٹینم باکس میں نہیں ہو گا۔
واضح رہے کہ راولپنڈی میں دوسرا ٹیسٹ میچ 30 اگست سے 3 ستمبر تک کھیلا جائے گا، دو ٹیسٹ میچوں کی سیریز کے پہلے میچ میں بنگلا دیش نے پاکستان کو 10 وکٹوں سے شکست دی تھی۔