ہانیہ عامر بھارتی فلم میں چھوٹے پنڈت کا کردار ادا کرنے کی خواہاں
لاہور: (ویب ڈیسک) پاکستان و بھارت میں یکساں مقبول اداکارہ ہانیہ عامر نے بالی ووڈ کنگ خان کی بھول بھلیاں سے متاثر ہونے کا انکشاف کرتے ہوئے کہا کہ اگر انہیں موقع ملا تو وہ فلم کے چھوٹے پنڈت کا کردار ادا کرنا چاہیں گی۔
حال ہی میں ڈمپل کوئین ہانیہ عامر نے بھارتی میڈیا کو ایک انٹرویو دیتے ہوئے کئی اہم موضوعات پر تفصیلی گفتگو کرنے کے ساتھ بھارتی سپر سٹار شاہ رخ خان کی فلم سے متاثر ہونے کا انکشاف کیا۔
اداکارہ نے کنگ خان کی فلم دل سے پر بات کرتے کہا ہے کہ اگرچہ وہ اس وقت اس بات کو پوری طرح نہیں سمجھ پاتی تھیں کہ فلم کا اداکار کون ہے، فلم کا کیا موضوع تھا یا بالی ووڈ کیا ہوتا ہے لیکن اس فلم نے ان پر گہرا اثر ڈالا۔
اداکارہ سے پوچھا گیا کہ وہ کون سا بالی ووڈ کردار ادا کرنا چاہیں گی تو انہوں نے فوراً بھول بھلیاں کا نام لیا اور کہا کہ اگر انہیں موقع ملا تو وہ اس فلم کے چھوٹے پنڈت کا کردار ادا کرنا چاہیں گی۔
