جنوبی افریقہ کی ٹیسٹ ٹیم کا دوسرا گروپ بھی لاہور پہنچ گیا
لاہور: (دنیا نیوز) پاکستان کیخلاف دو میچز پر مشتمل ٹیسٹ سیریز کھیلنے کیلئے جنوبی افریقہ کی کرکٹ ٹیم کا دوسرا گروپ بھی لاہور پہنچ گیا۔
جنوبی افریقہ کی کرکٹ کا پہلا گروپ رات کو جبکہ دوسرا گروپ اب لاہور پہنچا ہے، افریقی کھلاڑی لاہور کے علامہ اقبال انٹرنیشنل ایئرپورٹ پہنچنے پر سکواڈ کو سخت سکیورٹی حصار میں ہوٹل پہنچایا گیا۔
پاکستان اور جنوبی افریقہ کے درمیان دو ٹیسٹ میچز کی سیریز شیڈول ہے، دونوں ٹیموں کے درمیان پہلا ٹیسٹ 12 اکتوبر سے لاہور اور دوسرا ٹیسٹ 20 اکتوبر سے پنڈی اسٹیڈیم میں کھیلا جائے گا۔
