صوبائی ترقیاتی ورکنگ پارٹی کے اجلاس میں 14 ارب روپے کے فنڈز منظور
لاہور: (دنیا نیوز) صوبائی ترقیاتی ورکنگ پارٹی کے اجلاس میں 14 ارب روپے کے فنڈز منظور کر لئے گئے۔
فنڈز کی منظوری صوبائی ترقیاتی ورکنگ پارٹی کے 54 ویں اجلاس میں دی گئی، اجلاس کی صدارت چیئرمین پلاننگ اینڈ ڈویلپمنٹ بورڈ ڈاکٹر نعیم رؤف نے کی۔
حبیب آباد تا شیر گڑھ ضلع قصور سڑک کی تعمیر و مرمت کیلئے 81 کروڑ 73 لاکھ روپے کے فنڈز منظور، سی ای آر ٹی اور ڈی آر ڈیٹا سینٹر کے قیام کے لیے 1 ارب 45 کروڑ روپے کے فنڈز کی منظوری دی گئی۔
پنجاب کی مختلف تحصیلوں میں پنجاب رورل سسٹین ایبل واٹر سپلائی اینڈ سینی ٹیشن پراجیکٹس کے لئے فنڈز کی منظوری دی گئی۔
تحصیل پاکپتن ، دریا خان ، بھکر بھوآنہ اور احمد پور سیال کے واٹر سپلائی اور سینیٹیشن پراجیکٹس کے لیے 1ارب 45 کروڑ روپے کے فنڈز منظور کئے گئے۔
بہاولنگر، تحصیل خیرپور ٹامیوالی،تحصیل کروڑ پکا کے لیے2 ارب 42 کروڑ 49 لاکھ روپے، تحصیل لیاقت پور اور روجھان کے لیے 2 ارب 20 کروڑ روپے کے فنڈز کی منظوری دی گئی۔
تحصیل نورپور تھل، ضلع خوشاب کے لیے 1 ارب 17 کروڑ روپے، تحصیل علی پور، شجاع آباد اور تونسہ کے لیے 2 ارب 60 کروڑ روپے کے فنڈز منظور کئے گئے۔
کوٹ مومن، ضلع سرگودھا کے لیے 1ارب 26 کروڑ 40 لاکھ روپے، گورننس کے لیے آرٹیفیشل انٹیلی جنس اور جدید ٹیکنالوجیز سے متعلق آسامیوں کے پوزیشن پیپر کی منظوری دی گئی۔
پنجاب میں اشیائے خورونوش کی طلب و رسد، قیمتوں کے کنٹرول اور ویلیو چین مانیٹرنگ کی ڈیجیٹائزیشن سے متعلق پوزیشن پیپر کی منظوری دی گئی
ایم آئی آیس رپورٹس اور ڈیٹاکی ڈیجیٹائزیشن، بہتری اور مختلف ڈیٹا سسٹمز کے انضمام سے متعلق پوزیشن پیپر کی منظوری دی گئی۔
اجلاس میں سیکرٹری پلاننگ اینڈ ڈویلپمنٹ بورڈ رفاقت علی نے شرکت کی، چیف اکانومسٹ مسعود انور ، ممبران پی اینڈ ڈی بورڈ اور متعلقہ محکموں کے افسران بھی اجلاس میں شریک ہوئے۔
