آئی جی پنجاب کی قائد اعظم ڈے، کرسمس پر فول پروف سکیورٹی انتظامات پر پولیس کو شاباش
لاہور: (دنیا نیوز) آئی جی پنجاب ڈاکٹر عثمان انور نے قائد اعظم ڈے اور کرسمس پر لاہور سمیت صوبہ بھر میں فول پروف سکیورٹی انتظامات یقینی بنانے پر پولیس فورس کو شاباش دی ہے۔
آئی جی پنجاب ڈاکٹر عثمان انور نے کہا کہ پولیس افسران و اہلکار لاہور سمیت صوبہ بھر میں ہائی الرٹ رہے، تمام آپریشنل یونٹس نے بہترین کارکردگی کا مظاہرہ کیا۔
ڈاکٹر عثمان انور نے کہا کہ شہریوں کو قائداعظم ڈے اور کرسمس کی خوشیاں منانے کیلئے مکمل پرامن ماحول فراہم کیا گیا، مسیحی عبادت گاہوں، آبادیوں، پارکوں، تفریحی مقامات پر فیملیز اور خواتین کو بھرپور تحفظ فراہم کیا گیا۔
آئی جی پنجاب نے کہا کہ بانی پاکستان قائداعظم ڈے کی تقریبات کو بھی فول پروف سکیورٹی فراہم کی گئی، سپیشل برانچ، سی ٹی ڈی، ٹریفک پولیس و ڈولفن فورس کے جوان تمام فیلڈ فارمیشنز نے بہترین فرائض ادا کئے۔
ڈاکٹر عثمان انور نے کہا کہ کانسٹیبل سے ایڈیشنل آئی جی رینک تمام افسران و اہلکار اس ستائش کے مستحق ہیں۔
