اردن کی مسلح افواج کے سربراہ کی فیلڈ مارشل عاصم منیر سے ملاقات، دفاعی تعلقات پر گفتگو
راولپنڈی: (دنیا نیوز) اردن کی مسلح افواج کے چیئرمین جوائنٹ چیفس آف سٹاف میجر جنرل یوسف احمد کی جی ایچ کیو آمد، فیلڈ مارشل سید عاصم منیر سے ملاقات کی۔
پاک فوج کے شعبہ تعلقات عامہ کے مطابق ملاقات کے دوران فریقین نے باہمی دلچسپی کے امور، علاقائی سلامتی کی صورتحال پر بات چیت کی۔
آئی ایس پی آر کے مطابق ملاقات کے دوران دوطرفہ دفاعی اور فوجی تعاون کو بڑھانے پر بھی تبادلہ خیال کیا گیا۔
معزز مہمان نے پاکستان کی مسلح افواج کی پیشہ وارانہ مہارت کو سراہا، معزز مہمان نے علاقائی امن و استحکام کے لیے مسلح افواج کے کردار کی تعریف کی۔
آئی ایس پی آر کے مطابق فیلڈ مارشل سید عاصم منیر نے اردن کے ساتھ دفاعی تعلقات کو مضبوط بنانے کے لیے پاکستان کے عزم کا اعادہ کیا۔
پاک فوج کے شعبہ تعلقات عامہ کے مطابق فیلڈ مارشل نے ابھرتے ہوئے سکیورٹی چیلنجز سے نمٹنے کے لیے مشترکہ کوششوں کی اہمیت پر زور دیا۔
آئی ایس پی آر کے مطابق ملاقات میں دونوں ممالک کے درمیان فوجی سے فوجی تعاون کو مزید گہرا کرنے کے مشترکہ عزم کے اعادہ کیا۔
