ملک بھر میں سردی کی شدت برقرار، شمالی علاقوں میں پارہ نقطہ انجماد سے نیچے گر گیا
لاہور: (دنیا نیوز) ملک بھر میں سردی کی شدت برقرار رہی، شمالی علاقوں میں پارہ نقطہ انجماد سے نیچے گر گیا۔
لہہ کا درجہ حرارت منفی 10، استور منفی 6، گوپس کا منفی 5 ریکارڈ کیا گیا، سکردو، ہنزہ، قلات کا منفی 4، کالام ،گلگت، کوئٹہ اور دیر میں منفی 3 سینٹی گریڈ رہا۔
آج بھی ملک کے بیشتر علاقوں میں موسم سرد اور خشک رہے گا، شمالی علاقہ جات اور بلوچستان کے وسطی اور جنوبی اضلاع میں مطلع جزوی ابر آلود رہنے کی پیش گوئی کر دی گئی جبکہ پنجاب اور بالائی سندھ کے میدانی اضلاع میں دھند پڑنے کا امکان ہے۔
