24 گھنٹے کے دوران موسم کیسا رہے گا، محکمہ موسمیات نے رپورٹ جاری کر دی
اسلام آباد: (دنیا نیوز) آئندہ 24 گھنٹے کے دوران موسم کیسا رہے گا، محکمہ موسمیات نے رپورٹ جاری کر دی۔
رپورٹ کے مطابق جمعہ کے روز ملک کے بیشتر علاقوں میں موسم سرد اور خشک جبکہ شمالی علاقوں میں مطلع جزوی ابرآلود رہنے کا امکان ہے۔
محکمہ موسمیات کے مطابق پنجاب اور بالائی سندھ کے میدانی اضلاع میں صبح، رات کے اوقات دھند کی توقع ہے۔
رپورٹ کے مطابق بلوچستان کے وسطی اور جنوبی اضلاع میں مطلع جزوی ابر آلود رہنے کا امکان ہے۔
گزشتہ روز ملک کے بیشتر علاقوں میں موسم سرد اورخشک جبکہ شمالی علاقوں میں شدید سرد رہا۔
آج ریکارڈ کئے گئے کم سے کم درجہ حرارت لہہ منفی 10، استور منفی 6، گوپس منفی 5، سکردو، ہنزہ، قلات منفی 4، کالام، گلگت، کوئٹہ اور دیر میں منفی 3 ڈگری سینٹی گریڈ ریکارڈ کیا گیا۔
