وزارت مذہبی اُمور کا سعودی ویزا بائیو میٹرک لینے کے متعلق اہم اعلان
اسلام آباد:(دنیا نیوز) وزارت مذہبی امور نے سعودی ویزا بائیو میٹرک لینے کے متعلق اہم اعلان کر دیا۔
مذہبی امور کے ترجمان کےمطابق عازمین حج ’سعودی ویزا بائیو‘ ایپ کے ذریعے گھر بیٹھے اپنی بائیو میٹرک جلد مکمل کرکے لیں، حج ویزا کے لیے سعودی بائیو میٹرک کروانا لازم ہے۔
ترجمان نے بتایا کہ اگر ایپ سے بائیو میٹرک نہ ہو سکے تو قریبی سعودی تاشیر سینٹر سے 8 فروری سے قبل بائیو میٹرک کروا لیں،بائیو میٹرک نہ ہونے کی صورت میں حج ویزا نہیں لگے گا۔
علاوہ ازیں ترجمان مذہبی امور کا مزید کہنا تھا کہ سعودی تاشیر سینٹرز کی مزید تفصیلات پاک حج موبائل ایپ پر دستیاب ہیں۔
