امریکا کا چین پر ایران اور یمنی حوثیوں کو فوجی، جوہری ساز و سامان کی فراہمی کا الزام
نیویارک: (دنیا نیوز) ایران کے معاملے پر امریکا اور چین سلامتی کونسل میں آمنے سامنے آگئے۔
امریکا نے چین پر ایران اور یمنی حوثیوں کو فوجی اور جوہری استعمال کے ساز و سامان کی فراہمی کا الزام عائد کر دیا، اقوام متحدہ میں امریکی مندوب مائیک والٹز نے کہا چین ایران اور حوثیوں کو سامان کی فراہمی روکنے کیلئے کافی اقدامات نہیں کر رہا۔
انہوں نے کہا کہ ایران اور حوثیوں کو سیٹلائٹ امیجری بھی فراہم کی جارہی ہے، چین نے امریکی الزام بے بنیاد قرار دے دیے، اپنے بیان میں کہا چین ایسی برآمدات پر سخت کنٹرول رکھتا ہے۔
چین کا مزید کہنا ہے کہ امریکا کے ایران پر حملوں نے دنیا کو خطرناک موڑ پر کھڑا کردیا ہے، امریکا مشرق وسطیٰ میں نئے تنازعات اور بدامنی پیدا کرنا بند کرے۔
Comments / رائے دیں
Share your thoughts. Comments are reviewed before they appear publicly.
Approved Comments