سونے کی قیمت میں اضافے کا سلسلہ جاری، آج پھر مہنگا ہو گیا
کراچی: (دنیا نیوز) سونے کی قیمتوں میں عالمی اور مقامی مارکیٹوں میں مسلسل اضافہ ہو رہا ہے۔
بین الاقوامی بلین مارکیٹ میں آج بدھ کے روز فی اونس سونے کی قیمت میں 42 ڈالر کے اضافے سے نئی عالمی قیمت 4 ہزار 415 ڈالر کی سطح پر آگئی ہے۔
عالمی مارکیٹ کے زیر اثر مقامی صرافہ بازاروں میں بھی آج کاروباری ہفتے کے تیسرے دن فی تولہ سونے کی قیمت 4 ہزار 200 روپے کے اضافے سے 4 لاکھ 63 ہزار 936 روپے کی سطح پر آگئی۔
اسی طرح فی 10 گرام سونے کی قیمت 3 ہزار 601 روپے بڑھ کر 3 لاکھ 97 ہزار 750 روپے کی سطح پر آگئی۔
مقامی سطح پر آج فی تولہ چاندی کی قیمت 146 روپے کے اضافے سے 7 ہزار 111 روپے اور فی 10 گرام چاندی کی قیمت بھی 125 روپے کے اضافے سے 6 ہزار 96 روپے کی سطح پر آگئی۔
Comments / رائے دیں
Share your thoughts. Comments are reviewed before they appear publicly.
Approved Comments